Latest Posts from V6AH

Governor Joseph calls for stronger accountability and transparency in government, ensuring a future of trust, integrity, and progress for Pohnpei. #GoodGovernance #Transparency #Pohnpei

Click here for more.

  • Cruise Ship Seabourn Pursuit

    Ni September 13, 2024, Cruise Ship de sohp en tourist ehu me iei Seabourn Pursuit patohwen peidiongehr wein Pohnpei pali menseng. Dahme sansal sang Ohpis en Tourism me passenger de tohn sohp wet iei tourist epwiki ehk limen (115) patehng tohn doadoahk kan me patohdi pohn sahpw. Irail patohdo pwe ren kak patohwen mwamwaitih wasa kesempwal me iei Nan Madol, me kileldier oh wia ehu wasa kesempwal nan sampah oh me iangehr pato nan UNESCO World Heritage.

    Ohpis en Tourism nan wein Pohnpei me patohwen apwalih sahi wet ni eh peidiongehr wein Pohnpei. Ohpis en Tourism, ohpis ieu me pato pahn epwelkaweid en Pohnpei State Resources & Development, patohwen kaunopda tent kei nan Dekehtik pwehn sowese irail akan me patohwanla dipwisoun kasansal oh netla ong tourist pwukat.

    Audepen tent pwukat iei handicraft oh dipwisou teikan me wiawihda Pohnpei me iangahki mwaramwar, kopwou peipeida, urohs kaselel kan, mehn kapwat kan, black pepper, oh local food de mwongehn Pohnpei.

    Ohpis en Tourism patohwen kamwamwaitih tourist pwukat wasa kesempwal me iei Nan Madol me pato nan wein Madolenihmw. Ni arail patohwan pwarekehr wasa kesempwal wet, sahi wet ahpw patohdahsangehr wein Pohnpei pali soutik en September 13, 2024.

    Photo Credits to JADESA

  • Niehd September 16, 2024 Wein China oh wein FSM ketin kawawih pahr kesilisek limau en miniminpene de ehupenehn wehi riau wet de 35th diplomatic relations nan pwungen The People’s republic of China oh Federated States of Micronesia. Pil Patehngete met, wein China pil kawawih arail tungoal rahn keisihsek limau en kokoudahn wein China de 75th Founding of the People’s Republic of China. Kowou pwukat patohwen wiawi ni Cliff Rainbow Hotel oh tepda clock 6:30 nisoutik oh imwsekla clock 9:00. His Excellency Wu Wei, Ambassador en the People’s Republic of China patowan wiahier ah tungoal sekeren kaping ohng ketdo kan koaros ong ni doadoahk kesempwal wet oh pekpekihte minimin wet en wie poatoapoat kohkohlate.


  • V6AH Radio Station nan wein Pohnpei pahn patohioangehr nan ah tungoal project me iei wiawidahn Sign-Off Theme video me pahn kin patpatohda clock 10 ni soutik koaros de ritidi en sapwelmatail radio en wein Pohnpei. Sign-Off theme video wet pahn kin patpatohda nan audio de ni ngihl nan radio AM 1449 oh FM 88.3, oh pil patpatohda nan V6AH YouTube oh Facebook live feed, FSMTC Cable TV channel 22, oh nan en V6AH ah tungoal website https://v6ah.com

    Dahme sansal sang Fundraising Chairman Yamasda Ehpel me pidada project wet, V6AH patohwen contract ih NGO ehu me iei NAMWEIAS, oh pali wet ahpw pahn sub-contract ih irail de pali kan me pahn ehupene oh wekid ouraman de wiepen doadoahk wet ong ni mwohmw ehu me pahn sansal ni kilel mwokid de kasdo.

    Irail akan de sponsor kan me patohwandahr arail tungoal donation de sawas ong project en Sign-Off Theme video wet me pato ni weren mwohni, iei Genesis Corporation, AA Getaway, FSM Development Bank, MedPharm oh Black Sand Company. Iei pali pwukat me patohwandahr arail tungoal donation ong project wet.

    V6AH oh NAMWEIAS patohwen wia arail tungoal kaping lap ong pali kan me sawaskidahr donation pwukat oh pekpekihda sawas de sponsor teikan sang business kan, ohpis kan, oh koaros me men iang sawas de sponsor project wet.

    Ong me pid sponsorship de donation, komw kak mahsenieng Mr. Epikenio Eperiam ni telephone nempe 320-7851/921-7141 de Mr. Yamasida Ehpel ni ohpis en V6AH ni nempehn telephone 320-2296 de 320-2199, de komw pil kak email ih mynamweias@gmail.com